ନିହାତି ନିଜର

ବାହାଘରର ପାଞ୍ଚବର୍ଷ ପରେ ପ୍ରଥମଥର ପାଇଁ 'ଅନିମା' ଏକୁଟିଆ ଯାଉଛି l ଘରେ ସ୍ୱାମୀ,ଶାଶୁ ଶ୍ୱଶୁର ଆଉ ନିଜର ତିନିବର୍ଷର ପୁଅକୁ ଛାଡ଼ି ବି. ଏଡ଼. ପରୀକ୍ଷା ଦେବାକୁ l ଯିବା ଆଗରୁ ଭାରି ବ୍ୟସ୍ତ ଲାଗୁଥିଲା l ନିଜ ପୁଅକୁ ଛାଡ଼ି ରହିବାକଥା ଭାବିଲେ ସବୁଠୁ ବେଶୀ କଷ୍ଟ ହେଉଥିଲା l ସେଇ କେଇଦିନ କେମିତି କଟିବ କେଜାଣି l ଛୁଆଟା ବହୁତ ଖୋଜିବ କି, ଅଧିକ କାନ୍ଦିବ କି ଏମିତି ଭାବନାରେ ମନଟା ଭାରିହେଇଯାଉଛି l ସ୍ୱାମୀ 'ସଂଗ୍ରାମ' ବୁଝେଇ କହୁଥିଲେ, ଆଦୌ ବ୍ୟସ୍ତ ହୁଅନି ସବୁକିଛି ଠିକ୍ ହେବ l କଣ ନେବ କଣ ନେବନି କିଛି ଜାଣିପାରୁନଥାଏ l ଲଗେଜ୍ ସଂଗ୍ରାମ ସଜାଡ଼ିଦେଲେ l ପିନ୍ଧିବାପାଇଁ ଶାଢ଼ୀ ନୁହେଁ ଡ୍ରେସ ନିଅ l ...